Quiropodia

SERVIZOS

Os nosos pés soportan o peso de todo o corpo, por iso a pel dos pés presenta un maior grosor e características especiais. O calzado pode provocar rozaduras, falta de transpiración e outras circunstancias que poden afectar á saúde da pel dos nosos pés.

Ademais do tratamento das afeccións existentes, é recomendable realizar revisións periódicas para detectar e previr posibles patoloxías.

Quiropodia

A quiropodia é o coidado para o mantemento da saúde dos pés. Consiste na valoración e tratamento periódico dos pés, mediante a eliminación de hiperqueratose (durezas), helomas (callos), alteracións nas uñas e outras lesións leves. Trátase dun tratamento preventivo e terapéutico, que mellora o confort e evita a aparición de lesións máis graves, especialmente en pacientes con risco especial, como deportistas, persoas maiores ou diabéticos.

En que consiste unha sesión de quiropodia?

ValValoramos o estado da pel e das uñas para detectar posibles patoloxías.
Corte correcto das uñas, en función da morfoloxía do paciente. Eliminación de hiperqueratoses e helomas en zonas de rozamento ou presión do calzado. Eliminación de epículas en uñas encarnadas. Tratamento de fendas. Fresado de uñas con onicogrifose (engrosamento). Recomendacións personalizadas para o coidado dos pés e a prevención de lesións.
En xeral, recomendamos unha sesión de quiropodia polo menos dúas veces ao ano, aínda que a frecuencia pode variar segundo as características e necesidades de cada paciente.

¿Qué patoloxías trata a quiropodia?

HELOMAS

Que son

Causas

Tratamentos

Os helomas, comunmente coñecidos como callos, son engrosamentos localizados da pel que aparecen como resposta a unha presión ou fricción repetida, normalmente nas plantas dos pés e dedos. Diferéncianse das durezas pola súa forma máis pequena e profunda, que pode provocar dolor ao camiñar ou calzarse.

• Calzado estreito ou con forma inadecuada para os pés do paciente. • Deformidades dixitais (xoanetes ou dedos en garra). • Alteracións na pisada que xeran sobrecarga ou unha mala distribución das cargas. • Actividades e movementos que xeran fricción repetida e/ou excesiva na zona.

Na nosa clínica eliminamos os helomas de forma indolora e segura mediante enucleación con bisturí, retirando o núcleo central para aliviar a presión e a dor. Este procedemento realízase sen anestesia e non require repouso posterior, polo que o paciente pode retomar a súa actividade tras a sesión.

Hiperqueratosis

Que son

Causas

Tratamentos

As hiperqueratoses, máis coñecidas como durezas, son un engrosamento superficial e difuso da capa córnea da pel, causado por un aumento de queratina como mecanismo de defensa fronte á presión ou fricción continuada. A diferenza do heloma, non presenta un núcleo central, pero pode volverse dolorosa se a capa engrosada presiona o tecido subxacente ou se se agreta.

• Uso prolongado de calzado duro, estreito ou sen amortecemento axeitado. • Permanecer moitas horas de pé ou camiñar longas distancias de forma habitual. • Alteracións na pisada que xeran sobrecarga en zonas concretas (metatarso, talón, bordes do pé). • Falta de hidratación na pel, que favorece a rixidez e o engrosamento.

Na nosa clínica tratamos as durezas cunha deslaminación mecánica controlada mediante bisturí estéril, eliminando o exceso de queratina sen danar a pel sá. Este procedemento é indoloro, inmediato e non require baixa nin repouso.

Patología ungueal

Que son

Causas

Tratamentos

As patoloxías ungueales son alteracións que afectan a forma, a cor, a estrutura ou o crecemento das uñas, podendo causar dor, inflamación ou cambios estéticos.

Poden orixinarse por traumatismos, infeccións, malformacións, emprego de calzado inadecuado ou enfermidades dermatolóxicas e sistémicas.

Na nosa clínica realizamos unha valoración podolóxica completa para identificar a causa e aplicar o tratamento máis adecuado, dende coidados conservadores e ortonixia, ata cirurxía ungueal cando é necesario. O obxectivo é restaurar a saúde e funcionalidade da uña, aliviando molestias e previndo recidivas.

Podología Dermatológica

Que son

Causas

Tratamentos

A podoloxía dermatolóxica ocúpase do diagnóstico e tratamento das alteracións que afecta á pel dos pés, unha zona especialmente exposta á fricción, á humidade e á presión do calzado.

Estas patoloxías poden deberse a infeccións (como fungos ou virus), reaccións alérxicas, exceso ou déficit de suoración, exposición prolongada á humidade ou fricción continuada.

Na Clínica Podolóxica Dono Gago realizamos unha exploración detallada para identificar a causa da patoloxía e aplicar o tratamento máis adecuado -tópico, farmacolóxico ou podolóxico- segundo cada caso. Tamén ofrecemos pautas de hixiene, hidratación e calzado para previr complicacións e manter a pel sa e protexida.