Pé diabético

O pé diabético é o conxunto de alteracións e complicacións que se producen como consecuencia desta enfermidade. Co tempo, a diabetes pode danar os nervios e vasos sanguíneos, provocando unha diminución do fluxo sanguíneo e unha perda progresiva na sensibilidade dos pés. Isto pode provocar que o paciente non perciba dor ou as feridas; presente un maior risco de úlceras e infeccións e, en xeral, unha peor cicatrización ante calquera lesión. En casos graves, estas complicacións poden chegar a requirir a amputación de dedos, pés ou incluso de parte da perna. O risco aumenta se existen outros factores asociados, como uso de calzado inadecuado, falta de hidratación, deformidades previas ou ausencia de revisións podolóxicas.

Na Clínica Podolóxica Rocío Dono Gago ofrecemos un seguimento específico para persoas diabéticas para previr complicacións mediante revisións periódicas, detección de lesións incipientes, control do estado xeral da pel e as uñas, realización de quiropodias terapéuticas seguras e asoramento acerca do calzado máis adecuado e os coidados diarios do pé. Na nosa clínica contamos co equipamento específico para a valoración integral do pé diabético. Dispoñemos de monofilamento, diapasón e outras ferramentas que nos permiten avaliar a sensibilidade e a resposta neurolóxica; así como de un Doppler vascular, co que valoramos a circulación sanguínea de forma precisa. Deste modo, podemos detectar de maneira temperá posibles alteracións e ofrecer un tratamento preventivo e personalizado.